वलामीको 'दि फेमस' सेन्टिमेन्टल गीत रिलिज (भिडियो)

फिल्म 'दि फेमस'को सेन्टिमेन्टल गीत 'जुन मन' ले सार्वजनिक भएको छ । फिल्ममा समावेश अन्य सबै गीत एनिमेशन गरिए पनि यो गीत भने गरिएको छैन् ।

मंगलवार जुन मनले बोलको गीत सार्वजनिक गरिएको हो । आगामी कात्र्तिक १९ गतेबाट देशव्यापी रुपमा प्रदर्शन हुन लागिएको यो फिल्ममा चार गीत समावेश रहेको निर्माण पक्षले बताएको छ । 

वियोग प्रेम कहानी (डबल लभस्टोरी) र पारिवारी (फेमली ड्रामा) भनिएको फिल्मलाई सञ्चारकर्मी समीर बलामीले निर्देशन तथा निर्माण गरेका हुन् । सार्वजनिक जुन मनले बोलको गीतमा शब्द निर्देशक बलामीकै र संगीत सन्तोष प्रगाढको रहेको छ । गीतलाई सुधिर श्रेष्ठले निर्देशन गरेका हुन् ।

सार्वजनिक गीतमा वियोग प्रेम कहानी र पारिवारीक सम्बन्ध प्रस्तुत गरिएको छ । उक्त गीतमा प्रमोढ खड्का, सोनीया जिआर, सविना कार्की, रश्मी भट्ट र सुमन थापालाई देखाईएको छ । 

यसको अलवा चलचित्रमा सुरेश चौधरी, सुरवि जैन विष्ट, प्रभात बलामीको पनि अभिनय रहेको छ । बलामी फिल्म ईन्टरटेन्मेन्टको व्यानरमा निर्माण भएको फिल्मका सह–निर्माता अनिल महर्जन हुन् । फिल्ममा टंक बुढाथोकीको संगीत र सुरेश चौधरीको नृत्य पनि समावेश छ ।