जापानमा ‘दुई रुपियाँ’ प्रदर्शन हुने

१७ सेप्टेम्बर, टोकियो । गत शुक्रबारबाट नेपालभर रिलिज भएको चलचित्रँदुई रुपियाँ’जापानमा प्रदर्शन हुने भएको छ ।
आक्रामक शैलीमा व्यापार गर्दै दर्शकबाट राम्रो प्रतिक्रिया बटुलेको यो चलचित्र आगामी अक्टुबर १ तारिख टोकियोमा प्रदर्शन हुने सीसीआई ग्लोबल कम्पनीले बताएको छ । चलचित्र दशैंको भोलिपल्ट टोकियोस्थित मेगुरो कुमिन सेन्टरमा प्रदर्शन हुनेछ । युट्यूवमा सर्वाधिक हेरिएको ‘कुटुमा कुटु सुपारी दाना’गीतले चर्चामा रहेको यो चलचित्र जापानवासी नेपालीहरुले बहुप्रतिक्षित चलचित्रको रुपमा लिइरहेका छन् ।
‘दुई रुपियाँ’का लागि हुने ग्याङ फाइटको कथालाई निर्देशक असिम शाहले कमेडी शैलीमा यो चलचित्रमा उतारेका छन् । चलचित्रमा निश्चल बस्नेत, आशिफ शाह, मेनुका प्रधान, टिका पहरी लगायतका कलाकारको मूख्य भूमिका छ । चलचित्रको टोकियोसहित तोचिगी, नागोया, फुकुओकालगायत जपाानका अन्य मूख्य शहरमा पनि प्रदर्शन गरिने नविन थापामगरले जानकारी दिए ।